Mae’r cynllun unigryw hwn yn rhoi cyfleoedd rhwydweithio er mwyn codi proffil, yn cynnig sesiynau hyfforddi i ehangu sgiliau, sesiynau mentora gan y diwydiant a chomisiynwyr, er mwyn meithrin hyder y cynhyrchwyr, cynhyrchwyr/cyfarwyddwyr, cynhyrchwyr cyfresi, uwch gynhyrchwyr a chynhyrchwyr datblygu, gorau. Wrth wraidd y cynllun mae lleoliadau gwaith yn y diwydiant mewn rôl ymestynnol a fydd yn datblygu gyrfa’r unigolyn ac yn cryfhau eu CV.

 

Mae croeso i bawb sydd â'r profiad perthnasol wneud cais. Ein huchelgais yw creu carfan Cynllun Carlam amrywiol. Rydym eisiau gwella cynrychiolaeth amrywiaeth ethnig, anabledd a chefndiroedd economaidd-gymdeithasol ac rydym wedi ehangu'r ystod o brofiad sydd ei angen er mwyn gwneud cais am y cynllun. Ar gyfer cynllun Cymru, nid yw’r gallu i siarad Cymraeg yn orfodol ond bydd dau le yn cael eu clustnodi ar gyfer siaradwyr Cymraeg rhugl sydd â sgiliau cyfathrebu iaith rhagorol, ac sydd wedi ymrwymo i weithio’n ddwyieithog.

​

Mae'r Cynllun Carlam Ffeithiol yn rhedeg yn flynyddol yng Nghymru a Gorllewin Lloegr i sicrhau bod cynhyrchu di-sgript yn parhau i fynd o nerth i nerth.

​

Bydd ymgeiswyr llwyddiannus yn elwa o:

• Hyfforddiant gorau'r diwydiant

• Lleoliadau gwaith cynhyrchu cyflogedig

• Mentora gan gomisiynwyr a gweithwyr yn y diwydiant

• Cipolwg ar brosesau a blaenoriaethau comisiynu

• Cefnogaeth un-i-un

• Hyfforddiant gyrfa

• Cyfle i fod yn rhan o garfan o gynhyrchwyr rhagorol